Paroles Hymne a Boudiaf /Matoub Lounes

D lesnin teffɣeḍ tamurt
Tnufqeḍ tugiḍ leɣlaḍ
Deg-k yark i neṛğa ttbut
B-b ayen hemjen wiyaḍ
Teḥlelli-d deffir-k lmut
win-tt-id widen ur tuṛğaḍ
Ay at lḥif xas cfut
D kenwi i d-yuğğewn ccyaḍ

Awah awah a tuğğal
Ṛuḥen-aɣ yergazen ur nuklal (2)

Ssaweln-ak wat ttindar
Γer tegnitt n ddiq qerrḥen
Asmi k-id-necden s annar
Ur tḥezzebḍ i iṛejjaqen
I tmurt ssefsin amrar
Tezder di temda lqayen
S uqerruy i temḥezwar
Leğnas deg-s a ttnezzihen

Awah awah a tuğğal
Ṛuḥen-aɣ yergazen ur nuklal (2)

Tufiḍ-d tamurt tenneqlab
Tefreq tṛuḥ d iḥricen
Wa ijebbed iqqar nek d aεṛab
Ulac wi di-d-yezwaren
Ma d at t-tmira d nniqab
Ttgallan ur s-ḍliqen
Swejden-d yum n lḥisab
I yemdanen i ten-ixulfen

Awah awah a tuğğal
Ṛuḥen-aɣ yergazen ur nuklal (2)

Ismi-k deg umezruy yella
Lğil d-iteddun a t-yaf
Tizzelgi ur tettdum ara
Xas akka izedɣ-aneɣ zzεef
Lezzayer at-teḥlu am wassa
Tamusni a d-tger ixulaf

Tneğṛeḍ-d iswi i ccetla
Tura steεfu a Mass Buḍyaf (3)

De Abane à Boudiaf, combien de crimes orchestrés ! Krim, Khider et autres... Laisserons-nous cette terre ancestrale aux mains de ces tristes sires qui l'ont plongée dans le chaos ? Ou entre les griffes de ces lâches illuminés ?

A Propos De Matoub Lounes : (Click Here)
Artiste : Matoub Lounes Genre : Kabyle Vrai nom : Lounes MATOUB
Naissance le : 24/01/1956
Mort : Assassiné le 25 juin 1998