Paroles Chanson A Tamgharth / Matoub Lounes

A tamɣart celx ab zin-im

Iwexxed ikem mmi-m

Yefka tayett i yeεdawen

Ula i dam-d-iga ttexmim

Ḥerz imeṭṭawn-im

Rnu-t ɣer wid yemmuten

Lemmer di s-terriḍ aḥkim

Ur d-ittneqlab ɣer yiri-m

At-tzuxxeḍ yis-s ger medden

Sikked sanda i-kem-yessaweḍ

F uḥezzeb yerkeḍ

Ur d-iǧǧi iseɣ di lǧeṛṛa-s

S-anda akken imeyyez yebbweḍ

Ihemmej yesseḍ

Di zik tenwiṭ d asalas

Asm aa s-irad ad yenfeḍ

U tzzemreḍ a t-id-jebreḍ

Zzman a s-d-iḥud tilas

Yesserbaḥ deg yexṣimen-is

Iweddef atmaten-is

Am wakken d nitni i s-tt-igan

Nnif yerra-t d asefl-is

Yenneḍ-it i wallaɣ-is

Yeẓẓul fell-as deg ɣeẓran

Ur ḥezzen ɣef lmut-is

Ur testenfeε tudert-is

D akal aa s-ixdmen ccan

Deg yexf-im ṣṣber ẓẓu-t

Ssway-it d ttbut

S yis-s at-tqazmeḍ ussan

Beggen-asen-d t-tameṭut

T-tigejdit n tmurt

Zdi lqedd-im deg zenqan

Xas texṛeb taεrεq tefsut

T-tasa-m at-tesrugmut

Ur telli tiyita g meɣban

D lakul i d-as-ttigan

Ur telli tiyita g meɣban

D lakul i d-as-ttigan

A propos De  : Matoub Lounes 

Artiste / groupe : Matoub Lounes
Genre : kabyle
Vrai nom : Lounes MATOUB
Naissance le : 24/01/1956
Mort : Assassiné le 25 juin 1998